ശുദ്ധമായ മണ്ണ്


ആചാരപ്രകാരം ശുദ്ധമായ മണ്ണിലെ അടക്കാവൂ. കുഴിയെടുക്കാന്‍ ശുദ്ധമായമണ്ണ് ഇല്ലാത്തതിനാല്‍ സെല്ലുകള്‍ കോണ്‍ക്രീറ്റ് കൊണ്ട് ഉണ്ടാക്കി അതില്‍ അടക്കിതുടങ്ങി. എന്നാല്‍ ഒരു നുള്ള് മണ്ണ് തൂകിയിടുന്നത് പുതിയ ആചാരമാക്കി. ശുദ്ധമായ ഒരു നുള്ള് മണ്ണ് എല്ലായിടത്തും അന്വേഷിച്ചു കിട്ടാനില്ല. മണ്ണുണ്ട്, പക്ഷെ ശുദ്ധമല്ല. എന്തുചെയ്യും? കുറച്ചു പാറപ്പൊടി എടുത്തു. ശരിയാണ് പാറകളും കല്ലുകളും പൊടിഞ്ഞാണല്ലോ മണ്ണുണ്ടാകുന്നത്. അപ്പോള്‍ അതിലും ശുദ്ധമായത് വേറെയില്ല.

                 മനസ്സ് മലിനപ്പെട്ടു തുടങ്ങിയപ്പോള്‍
                    മണ്ണും മലിനപ്പെട്ടു തുടങ്ങിയതാണോ?
                 അതോ മണ്ണ് മലിനപ്പെട്ടു തുടങ്ങിയപ്പോള്‍
                    മനസ്സും മലിനപ്പെട്ടതാണോ?