ആരാധന 

തിരിയും വിരിയും 
തിരശ്ശീലകളും 
ലയവും താളവും ശ്രുതിയു
മൊന്നുമായിരുന്നില്ല 
ആരാധനനേരമവരെ 
യലട്ടിയത് :
ചുറ്റുമുള്ളവരുടെ ഉള്ളിലെ 
ഉലയുന്ന തിരിനാളങ്ങൾ 
അണയുമോ എന്ന 
പരിഭ്രമമായിരുന്നു.  

4.തീ 

ഈ ചാരത്തില്‍
തീയുണ്ടെന്നുള്ളത്
വലിയ സാധ്യത

5.നോമ്പ് (2)

ചാരം
ജ്വലിക്കുന്ന
അഗ്നിയായി
ഉയിർപ്പിക്കപ്പെടണം.

നോമ്പുകാല ചിന്തകൾ


3.വിഭൂതി

ഒരിക്കൽ കേൾക്കാതെ
പറയപ്പെടുന്നവ
ഇന്ന് കേൾക്കാനായി
പറയുന്നു.
ഒരിക്കല്‍ കൊള്ളാതെ കൊള്ളുന്നത്
ഇന്ന് തിരുനെറ്റിയില്‍ പൂശുന്നു:
'നീ ദാ ഇത്തിരി പൂഴിമാത്രം'.

2.നോമ്പ് (1)

ദൈവത്തിലേക്കു
മടങ്ങാന്‍.
ആദ്യപടി മണ്ണ്,
 പ്രകൃതി 

നോമ്പുകാല ചിന്തകള്‍

1.മനുഷ്യജീവിതം

ഒരുപിടി പൂഴി
ചെറുകാറ്റില്‍
ചിതറി പറക്കുന്നു

ലോകം 

മുമ്പേ പോകുന്നവണ്ടി
യൊന്നു നിര്‍ത്തിയിട്ടു
മറികടക്കാനായി കാത്തു
നില്പൂ പിന്നില്‍ വരിയില്‍ .

ലോകം ചെയ്യപ്പെടുമെന്നും അപ്പോള്‍ അതിനെ അതിജീവിക്കാമെന്നും ചിന്തിക്കുന്നു.